Aforizma të eruditëve grekë dhe romakë: Për bukurinë.

 


Bukuria është dhuratë e Zotit.
Aristoteli
*
Bukuria individuale i hap rrugën njeriut, më tepër sesa një rekomandim.
Aristoteli
*
Sigurisht që bukuria është një dhuratë e mirë e Zotit, por duket se vetë Zoti mendoi se kjo, bukuria pra, nuk është ndonjë e mirë e madhe, përderisa ai e dha atë edhe tek njerëz të liq.
Shën Agustini
*
Në çastin që një vajzë fillon e nuk ka më ndrojtje dhe nuk skuqet më, atëhere ajo ka humbur pjesën më tërheqëse dhe më fuqiplotë të bukurisë së vet.
Grigori i 1-rë, shek 6-të
*
Të lutem o Zot, më bëj të bukur përbrenda.
Sokrati
*
Bukuria e stilit, e harmonisë, e hijeshisë dhe e një ritmi të mirë, varen nga thjeshtësia.
Platoni
*
Njësoj si mund të gabojë një mëndje kur ajo gjykon nën veprimin e pijes së verës, ose një sy, kur ai sheh në errësirë, ashtu mund të gabojë edhe një shpirt, kur ai është i dehur prej një bukurie.
Ovidi
*
Njoh dikë që kur pa një grua me një bukuri goditse, ju lut Krijuesit për të. Duket pra se pamja e saj e ndriçoi atë burrë, që t'i drejtohej Zotit me përdëllim.
Shën Joan Klimakus, shek. 7-të
*
Ç'ka është e bukur është e mirë dhe, kush është i mirë, shpejt do të konsiderohet edhe si i bukur.
Safo
*
Asgjë e bukur nuk është e bukur, po qe se shikohet nga të gjitha këndvështrimet.
Horaci
*
Kur në mesnatë kandili shuhet,
të gjitha gratë, kanë një bukuri që s’thuhet.
Plutarku





Cigaret e kësaj periudhe ishin kryesisht pa filtër dhe fillonin nga cilësia më e keqe, e deri në atë më të mirën, sipas kësaj rradhe:

Vullneti, cigare shumë të dobëta të futura në të ashtuquajturën qeskë, shiteshin 8 lek të vjetra. Kishin copra flete, fibra dhe byk duhani.

Drini  (me 10 cigare), të futura në kuti, shiteshin 10 lek.

Dajti, me cigare të futura në kuti, shiteshin 12 lek të vjetra. Kishin duhan jeshil, jo të pjekur mirë, pra vjeljet e vonshme të majave të bimëve.

Labinoti, me cigare të futura në kuti, shiteshin 15 lek të vjetra.

Partizani, me cigare të futura në kuti, shiteshin 18 lek të vjetra. Ishin cigaret që preferoheshin më tepër prej konsumatorëve. Konsideroheshin si cigaret më të mira dhe më ekonomike. Ishin të prodhimit të Durrësit, të Gjirokastrës dhe të Shkodrës, kish konsumatorë që ndiqnin ose prodhimin e njërit qytet ose të tjetrit, duke menduar se shijet kishin lidhje me këtë gjë dhe se ndryshonin. Gjithashtu prej shijeve të konsumatorëve ndaheshin nga një shënjë në letrën e duhanit në, me vijë apo pa vijë.

Vullneti  (të ndryshme nga Vullneti i mësipërm) me cigare të futura në kuti, shiteshin 18 lek të vjetra

Sporti, me cigare të futura në qeskë, shiteshin 20 lek vjetra.

Samsun, me cigare të futura në qeskë, shiteshin 22 lek të vjetra.

Diamanti, me cigare që futeshin në kuti plloçake me kapak, shiteshin 25 lek të vjetra dhe prej konsumatorëve ndaheshin në me roskë (një lloj pelikani i stamposur në letrën e duhanit) apo pa roskë, apo edhe nga mënyra e amballazhimit në, me krisaf apo pa krisaf, pra me letër, etj. Cigare të markës Diamant, kish edhe në qeskë prej letre por që vetë cigaret ishin të amballazhuara në krisaf. Diamant, si emërtim i markës u trashëgua, qysh përpara luftës së dytë botërore.

Ardian, me cigare që  futeshin në kuti plloçake sirtarè, shiteshin 25 lekë të vjetra.

Luks, me cigare që futeshin në kuti sirtarè. Kutitë ishin në dy ngjyra blu ose të kuqe, shiteshin 25 lekë të vjetra.

Cigaret me filtër tek ne filluan të duken, aty nga fundi i viteve ’70 dhe ishin të disa markave, nga më të lirat në më të shtrenjtat si më poshtë:

Porti, me qeskë, (në dy ngjyra blu dhe të kuqe) shitej, 25 lek të vjetra.

Zana, me qeskë, shiteshin 27 lek të vjetra. Ishin të parat cigare me filtër që qarkulluan në këtë kohë, për një kohë fare të shkurtër.

Durrësi, me qeskë shitej, 30 lek të vjetra.

Arbëria, me qeskë shitej, 35 lek të vjetra.

Në fund qarkulluan edhe cigare me filtër të markës, Gent, Kent, etj.

Për të krijuar një ide rreth vlerës që kishin cigaret, në shpenzimet e përditshme të asaj kohe, duhet llogaritur me përafërsi, dita e punës për qytetin, rreth 150 lek të vjetra.

 
Lexoni gjithashtu / More Articles :

» KE7/16 - Mbi shtypin e përditshëm dhe periodik në Shqipëri më 1967

 Sipas të dhënave zyrtare më 1967 tek ne ekzistonin këto, gazeta dhe revista periodike:Zëri i Popullit, gazetë e përditsh. botim i Kom. Qëndr. PPSH. Qarkullimi ditor me 86,000 kopje.Bashkimi, gazetë e përditsh. botim i Fronti Demokratik. Qarkullimi ditor, me 20,000 kopje.Puna , gazetë e përditsh. botim i Kësh. Qëndr. Bashk....

» BK/SHJT : Tregti - Kinkaleri në Korçë, në fillimet e viteve '920

 Për shitjen e sendeve të himta në këtë periudhë kishin dyqane të më poshtëmit:Nik. BeratiTh. KatundiVëllaz. Lako & MullaVëllaz. OpariP & Ar. OpariTh. PappaIoan. PappaG. PapaharallambiRuço & DakoVëllaz. ShoshoVëllaz. TurtulliPerikl. TurtulliVëllaz. TreskaGr. FiliLl. Fundo 

» KE10/5 - Mbi vlerën e disa artikujve ushqimorë, në vitet 1600 - 1700 dhe krahasimet me kohët e sotme

 Duke ditur vlerën e një sërë artikujve ushqimorë kryesorë të konsumit të përditshëm, (të quajtura sot, si “artikuj të shportës”), duke ditur se edhe të ardhurat mesatare të një zanaçiu fillestar, të rëndomtë, (kallfe), ishin në ato kohë rreth 3-4 aspra (apo akçe) në ditë, ndërsa për një usta 10 aspra, a diçka...

» KE5/21 - Disa parametra të pastërtisë së qytetit të Korçës për vitin 2005.

Lexojeni të plotë tek KE5/21.

» KE6/17 - Mbi depon e dikurshme të gazit ose të vajgurit, në Korçë.

 Meqënëse vajguri dikur ishte një lëndë e konsumit të përditshëm, mbasi përdorej për ndriçim, kuptohet se edhe tregu duhej të furnizohej thuajse çdo ditë me këtë mall, i cili, ndryshe nga mallrat e tjera ishte njëkohësiht edhe i rrezikshëm, pra lëndë djegëse dhe plasëse. Për këtë arsye, dikur Korça pati një depo të...

Share