KE2 - Titujt e artikujve.

Arkiva Pedica

MZ - Aforizma: Nga filozofia romake

Lënia për një çast pezull dhe mosmarrja e vendimit, për një çështje të dhënë, është e lodhëshme dhe shqetësuese por kjo gjë, është njëkohësisht edhe burim dhe mundësi, për të vepruar me mënçuri.

*
Padrejtësinë e urrejnë edhe vetë të padrejtët.

*
Akoma edhe një qime, edhe ajo ka hijen e vet.

*
Ai që mbrohet edhe atëhere kur është i mbrojtur, nuk rrezikohet lehtë.

*
Lënia e një emri të mirë, është edhe ajo një pasuri më vete, që u lihet trashëgimtarëve.

*
Përbuzja më e madhe për dikë, është ta quash mosmirënjohës apo, bukëshkelur.

*
Një tru i fortë, nuk nguron të marrë vendime.

*
Është e trishtueshme, të ta kthejnë me të keqe, atë ç'ka ti ua dhurove me kënaqësi.

*
Dështimi që na le mbresa më tepër, është dështimi i parë.

*
Gjatë një gjyqi, gjykatësi gjykon si proçesin ashtu edhe veten e vet.

*
Pasi kanë zgjedhur rrugën mirë, akoma edhe të verbërit, ecin të sigurtë.

*
Gënjeshtra që thuhet për një qëllim të mirë, është dhe ajo një veprim i drejtë.

*
Fundi i një të varfëri është atëhere kur ai, imiton të pasurin.

*
Kur ngul këmbë tek padrejtësitë, krijon padrejtësi të tjera.

Nxjerrë prej: Sententiae, Publili Syri, shek 1-rë, para Kr.

FlashPedica(1)

KE1/29 - Loja me fugë

Fuga ishte një lodër e fëmijëve, që u zhduk aty rreth viteve ’70. Ka mundësi që emri fugë vjen prej latinishtes, që do të thotë ikën, lëviz, [me rrotullim]. Ajo ishte një objekt prej druri në formë konike, që në majë të konit, i ngulej një majë perone dhe që vihej në rrotullim prej një kordhoni.
Në vartësi të konicitetit, fugat kishin edhe emërtimet. Kështu, për një raport të vogël ndërmjet lartësisë dhe bazës së konit, pra për një kon me bazë të hapur, fuga quhej tip, “tavë”, e kundërta quhej “ulliçkë”, etj.
Cilësia e fugës varej: nga tornimi, nga lloji i drurit, nga tipi i mësipërm i fugës, nga saktësia centrike e majës, etj. Rrotullimi i fugës varej gjithashtu, nga aftësia e fëmijës për t’i ‘rënë fugës’, nga lloji i kordhonit, nga terreni ku binte e rrotullohej fuga, etj.
Mbi të gjitha cilësia e fugës varej nga qëndërzimi i majës. Kur ky bëhej i saktë, fuga rrotullohej aq qetë sa ‘flinte’, ndërsa kur qëndërzimi nuk goditej si duhej, fuga ‘hidhej’ ose ishte 'tartareckë'. Maja vendosej me kujdes duke ngulur një peronë të cilës i pritej koka me pencë dhe pastaj ‘haej’ në plloçë për rrumbullakim. Heqja e majës zakonisht bëhej në dorezat trokitse të portave, të cilat shërbenin si morsë.

KE2 - Titujt e artikujve.

E-mail

1. Numri i banorëve të disa fshatrave në rrëzën e Fushës së Korçës, para viteve 1880.
2. Mbi qepën në qarkun e Korçës.
3. Leskoviku rreth viteve 1830.
4. Plepi i Shën Gjergjit dhe galat.
5. Rufetet (organizatat, shoqatat)
6. Një listë me lloje emra grash dhe vajzash, që gjëndeshin në Varoshi i Korçës në vitet 1700 (shek. 18 - të)
7. Dantellat e veshjeve intime të nuseve në Korçë.
8. Mbi ndalimin e frekuentimit të hamamit të Korçës prej grave, më 1826.
9. Programi mësimor i klasës së katërt i Mësenjtores së parë shqipe për djem dhe vajya, në vitin shkollor 1888 - 1889.
10. Disa gazeta që qarkullonin shqip në Korçë më 1911.
11. Byrek me mëlçi të bardha.
12. Mbi furrat dhe furrxhinjtë e Korçës rreth vitit 1850.
13. Mbi një qarkore që ndalonte në Korçë, më 1847, zjerrjen e paçeve në furrë.
14. Emigrantë nga Polena që në maj të vitit 1919, ndodheshin në Sh.B.A.
15. Dunaveci
16. Mbi brymën në qarkun e Korçës.

17. Një përrallëzë
18. Pazari i Korçës.
19. Tre Kronika mbi djegiet e pazarit të Korçës
20. Feneri i ushqimeve.
21. Mustafa Bajraktari prej fshatit Goskovë
22. Loja me yç.
23. Një listë me emra kryefamiljarësh
24. Mbi Tërmetet në Korçë, në shek 18-të dhe 19-të.
25. Distancat e disa fshatrave për rreth Korçës, nga qëndra e qytetit.
26. Largësia në vijë ajrore, nga Korça në disa fshatra per rreth.
27. Hafiz Ali Korça dhe ‘Rubairat’ e Omar Khajamit.
28. Gjetje arkeologjike në Kolonjë.
29. Gjë a gjëza
30. Gora dhe Mokra
31. Mbi Llëngën, Pogradec.
32. Mbi furnizimin me ujë të pijshëm të Korçës, para dyqind vjetëve.
33. Tuma e Kamenicës.
34. Nxjerrja e rakisë
35. Rruga e moçme e karvaneve, Vlorë-Berat-Voskopojë-Korçë dhe mallrat që transportoheshin.
36. Prodhimi i grurit dhe elbit në prefekturën e Korçës më 1927.
37. Teksti i këngës, Debora zbardhi malet.
38. Disa aktivitete shërbimesh të vjetra në Korçë, që tashmë janë zhdukur.
39. Orët (sahatët) e Korçës.
40. Loja me fugë.

Back / Kthehuni mbrapa