Aforizma të eruditëve grekë dhe romakë: Për bukurinë.

 


Bukuria është dhuratë e Zotit.
Aristoteli
*
Bukuria individuale i hap rrugën njeriut, më tepër sesa një rekomandim.
Aristoteli
*
Sigurisht që bukuria është një dhuratë e mirë e Zotit, por duket se vetë Zoti mendoi se kjo, bukuria pra, nuk është ndonjë e mirë e madhe, përderisa ai e dha atë edhe tek njerëz të liq.
Shën Agustini
*
Në çastin që një vajzë fillon e nuk ka më ndrojtje dhe nuk skuqet më, atëhere ajo ka humbur pjesën më tërheqëse dhe më fuqiplotë të bukurisë së vet.
Grigori i 1-rë, shek 6-të
*
Të lutem o Zot, më bëj të bukur përbrenda.
Sokrati
*
Bukuria e stilit, e harmonisë, e hijeshisë dhe e një ritmi të mirë, varen nga thjeshtësia.
Platoni
*
Njësoj si mund të gabojë një mëndje kur ajo gjykon nën veprimin e pijes së verës, ose një sy, kur ai sheh në errësirë, ashtu mund të gabojë edhe një shpirt, kur ai është i dehur prej një bukurie.
Ovidi
*
Njoh dikë që kur pa një grua me një bukuri goditse, ju lut Krijuesit për të. Duket pra se pamja e saj e ndriçoi atë burrë, që t'i drejtohej Zotit me përdëllim.
Shën Joan Klimakus, shek. 7-të
*
Ç'ka është e bukur është e mirë dhe, kush është i mirë, shpejt do të konsiderohet edhe si i bukur.
Safo
*
Asgjë e bukur nuk është e bukur, po qe se shikohet nga të gjitha këndvështrimet.
Horaci
*
Kur në mesnatë kandili shuhet,
të gjitha gratë, kanë një bukuri që s’thuhet.
Plutarku





Prej parash të paligjshme (të pista), ata nuk mund të mbledhin dot taksa.

Këtë pat deklaruar dikur, Al (Alfonsio) Capone (1899 – 1947), i njohur edhe me nofkën “Skarface”, gangster me origjinë italiane, i periudhës mes dy luftërave, që rrugën e vet  e nisi qysh në moshën 19 vjet duke vrarë dhe duke u bashkuar pastaj me bandat e Johnny Torrio në Çikago. Tek këto, ai mori fillimisht pjesë si vrasës i specializuar dhe pas plagosjes së rëndë të Torrios, Capone u bë bossi i mafjes së Çikagos. Suksesin dhe kulmin e vet ai e arriti në Kohën e Ndalimit (Prohibition era, 1920 - 1933), në Amerikë, me ligj të prodhimit, shitjes dhe transportimit, të pijeve alkoolike.

Al Capone, në këtë moment mbyti kontrabandë, një treg të uritur, me pije alkoolike duke fituar një pasuri përrallore. Gjatë kulmit të kësaj veprimatrie, ai kish nën kontroll nëpërmjet parasë, politikanë, juristë, qeveritarë, parlamentarë dhe një pjesë të mirë të policisë.
Ndërkaq gjatë krizës së viteve ’30, Al Capone për të përmirësuar imazhin e vet, ishte i pari që hapi të quajturat, Free Soup Kitchen, pra mensa, ku jepej falas për të papunët ushqim.
Pas  apogjeut ai u dënua me burg nga ku mbeti i izoluar dhe pa lidhje me bandat e tij, sidomos gjatë kohës kur ishte në burgun e Alcatraz-it, duke e humbur kështu fuqinë e vet një herë e përgjithmonë.
Pr.era_kontroll Jeta, figura dhe veprimatria e Capones, është shtjelluar gjërësisht, në shkencat ekonomike, në kriminalistikë, në jurispudencë, në kinematografi, në publicistikë, në skenë, etj.
Thënia e mësipërme e Al Capones, shpjegon shumë thjesht dhe në mënyrë filozofike, mekanizmin e pasurimit të paligjshëm dhe lidhur me të, të zhvillimit të korrupsionit.
Një tjetër thënie tepër e njohur e Capones është: Me një fjalë të mirë dhe me kobure mund të bësh më tepër përpara, sesa vetëm me një fjalë të mirë. Prohibition_era
Në foto jepet një pamje e Periudhës së Ndalimit të Pijeve Alkoolike, ku tregohet kontrolli shtetëror, në një distileri klandestine të nëndheshme, në Detroit.
Së fundi, duhet thënë gjithashtu se, Prohibition era, ishte një epokë karakteristike e veçantë në jetën amerikane e cila la, gjithashtu gjurmët e veta në stil, në veshje, në muzikë dhe në art.



 
Lexoni gjithashtu / More Articles :

» KE12/10 - Ç' ishin çifligjet.

 Shënim:  Materiali që vijon, është hartuar duke u bazuar tek të dhënat të nxjerra nga studimi: Akd. Shkc. Shqiprisë, L. Mile,“Çështje të historisë agrare shqiptare (fundi i shek.18-të, deri në vitet ’70 të shek.19-të)“, fq. 30 - 33.Fjala çiflig duket se vjen prej persishtes: çift = një palë, pra një pendë qè e...

» KE4/32 - Vlerat e monedhave të kohës së Turqisë dhe konvertimi і mundshëm ...

Grosh nuk është turqisht por, si fjalë vjen nga gjermanishtja: grush, krush, kraish, grochen, meqënëse në atë monedhë, dikur ndodhej një kryq. Centimët e shillingës austriake edhe sot quhen grosh. Në Voskopojë groshi quhej edhe asllan, mbasi voskopojarët në ato kohë udhëtonin së tepërmi në Evropën qëndrore ku qarkullonin...

» KE11/13 - Ekonomia: Nga historia e kambizmit, në kohën e Turqisë në Korçë.

 Fjala kambizëm vjen prej italishtes, cambiare = me këmbye, këmbej, pra kambizmi është veprimi financiar që lidhet me këmbimin (angl. exchange) e një monedhe me një tjetër.Në fund të shekullit të 19-të e fillim të shek. të 20-të, para rënies së perandorisë osmane, në Korçë falë zhvillimit ekonomik të qytetit si edhe të...

» KE8/2 - Mbi monedhën e dikurshme turke, të quajtur akçe ose asprë.

Akçe ishte njësia monetare më e vogël e perandorisë osmane, për disa shekuj. Monedha në fjalë ishte e vogël dhe prej argjendi. Ajo filloi të qarkullojë aty nga viti 1328, gjatë sundimit të sulltanit Orhani (1326-1359) dhe vazhdoi deri në fund të shek. 17-të.

Share