MZ - Aforizmë:

Dëgjoni ç’ka dëftejnë të moshuarit, kushtojini vëmëndje asaj ç’ka ju rrethon, nuk kemi shumë kohë. Në jetë ndodh që dhe këto t’i humbasim brenda një nate. Informacioni kështu humbën, … Dëgjoni ç’ka ju dëften një fqinj i moshuar, apo të afërmit të cilëve ju ka kaluar mosha,  … Ç’dimë ne për kohërat e shkuara, për të kaluarën, në qoftë se nuk dëgjojmë ata që jetuan në ato kohëra? Dhe si mund të përballojmë të ardhmen, kur nuk njohim të shkuarën?

Barbara Sizemore (1927 – 2004),
afro-ameikane, e cilësuar si “brillant educator”.

StatutiLyra


STATUTI I SHOQËRISË MUZIKALE
"LYRA".

I. QËLLIMI.
1) Emëri і kësaj shoqërie do të jetë "LYRA".
2) Qëllimi і saj është të punuarit me bashkim për përhapjen e muzikës në popull.

 

II. REGULLIMI.
1) Anëtarë të kësaj shoqërie pranohen, Zonja, Zonjushe dhe Zotërinj.
2) Zonjat dhe Zonjushat pranohen pasi të kenë pëlqimin e prindërvet ose të kujdestarëvet të tyre.
3) Regjistrimi është gratis.
4) Çdo person para se të pranohet anëtar і kësaj shoqërie duhet të mbushi këto kondita:
a) T'і paraqite këshillës një kërkesë e cila do të bisedohet prej saj.
b) Të ketë zë të mirë ose dijeni instrumentale.
5) Përgjigjja e kërkesës і dërgohet interesonjësit me anën e një shkrese simbas vendimit të këshillës.
6) Çdo person që pranohet anëtar і kësaj shoqërie duhet të zotohet se do të nderojë rregullat dhe vendimet e këshillës. 
7) Prefektit dhe Kryetarit të Bashkisë u rezervohen vendet e anëtarit të nderit në këtë shoqëri.
8) Gjithë prindërit ose përkujdestarët e Zonjave dhe Zonjushavet janë anëtarë nderi.
9) Përjashtohet me vendim këshille prej shoqërisë çdo anëtar aktiv që nuk ju bindet rregullave të shoqërisë.

10) Çdo anëtar duhet të ketë një kartë identiteti me fytyrën e vet dhe me vulën e nënshkrimin e kryetarit të shoqërisë.
11) Shënja e shoqërisë do të jetë LYRA.
12) Flamuri dhe vula e shoqërisë do të përmbajnë shënjën e saj.
13) Dit' e festimit e shoqërisë do të jetë e Djela e parë pas 15 Qershorit.

 

III. KESHILLA
1) Këshilla përbëhet prej shtatë personash:
a) Kryetar
b) N/kryetar
c) Sekretar
d) Arkëtar dhe
e) tre Këshillonjës
2) Anëtarët e Këshillës duhet të ndodhen rregullisht në mbledhjet e saj veç në qoftë se ndalohen prej shkake me rëndësi.

 (Etj. ...Teksti i plotë, tek, Korça Encyclopoedica nr.11 ose tek monografia Një dritare në historinë e muzikës në Korçë, 1800 - 1940.) aut. V.A. Ballauri & I.V.B

 
Lexoni gjithashtu / More Articles :

» BK/LA - Muzika - Mbi prof. e muzikës, Thoma Nasi (1892 - 1964).

(Hulumtuesit e jetës së tij, ndër të tjera shkruajnë edhe këto.)… Thoma Nasi apo Nashi, siç e njohin bashkëfshatarët mbiemrin e tij, lindi në fshatin Dardhë të Korçës më 2 mars 1892. Në moshën dymbëdhjetë vjeçare si shumë të rinj të tjerë të krahinës së tij, Nasi emigroi fillimisht në Greqi dhe më vonë në Shtetet e...

» KE4/2 - Teksti i plotë i këngës korçare, që njihet me titullin, “Kur vjen behari çel qershia”

Kjo këngë  kaq e vjetër dhe kaq e bukur, që njihet jo vetëm prej korçarëve por prej kujtdo, gjithandej, nuk ka këtë titull, por ka për titull vargun filozofik: “Dashuria është djallush”.Teksti i saj i mahnitshëm është thurur plot art prej L. Logorit, ndoshta në fillim të shek. 20-të. Dashuria është djallush nënkupton...

» KE10/4 - Gjenealogji - Muzika: Fragment nga gjenealogjia e Tefta Tashko Koços.

Duke ndjekur linjat e femrave, gjenealogjia e këngëtares shqiptare ndoshta më të madhe për të gjitha kohërat, Tefta Tashko Koços, para saj, del  e ndërthurur me atë të familjeve të tjera të vjetra korçare si dhe futet në thellësi edhe të paktën pesë breza të tjera, duke arritur kështu, deri aty nga mesi  i viteve 1700.  ...

» BK/LA - Homeri - Iliada

Perëndesha Hera bën tualetin e saj.Homeri, Iliada, rapsodia XIV, 166 etj.Shqipëroi: Ilia V. Ballauri(Shënim : Në luftën e Trojës morën pjesë edhe perënditë duke simpatizuar dhe antipatizuar njërën apo tjerën palë. Perëndesha Hera dhe Athina morën anën e Akejve meqënëse Paridi, mollën e bukurisë apo të sherrit іa dha...

» BK/LA - Muzikë - Histori - Program Muzikor i Shoq. Lyra, 1929

Nxjerrë nga, Një dritare, mbi historinë e muzikës në Korçës, 1800 -1940, etj. 

Share